وزیراعلیٰ نا آواران اٹی آپریشن ردالفتنہ نا رد اٹ سرسہب کارروائی نا ستا

کوئٹہ، وزیراعلیٰ بلوچستان میر سرفراز بگٹی آواران اٹی آپریشن ردالفتنہ 3 نا رِد اٹ فتنہ الہندوستان نا دہشت گرد آتا برخلاف سرسہب کارروائی آ سیکورٹی فورسز آتے خراجِ عقیدت پیش کرسا پارینے کہ مسہ دہشت گرد ءِ خلنگ سیکورٹی فورس آتا کسبی لائخی و وخت آ کارروائی نا شاہدی ءِ، تینا اسہ بیان اٹی وزیراعلیٰ میر سرفراز بگٹی پارے کہ بلوچستان اٹی امن کن سیکورٹی فورس آتا بہادر ورنا تا قربانیک گیرام دننگ مفسہ۔ دہشت گرد آتا پراگندہ ارادہ غاتے بے سہب کننگ آ سیکورٹی فورس آتے سلام پیش کینہ، او پارے کہ دہشت گرد و اوفتا کمکار کار آتا پورو چٹفنگ کن ریاستی ادارہ غاک سنبرینگوک ءُ، وخت اس کہ قوم ہم دہشت گردی نا چٹفنگ کن سیکورٹی فورس آتتون ہم کوپہ سلوک ءِ۔ وزیراعلیٰ پارے کہ بلوچستان اٹی امن و سوگوی نا برخلاف ہر سازش ءِ بے سہب کننگک، سیکورٹی فورس آتا وخت آ و بھرمی کارروائیک دہشت گردی نا برخلاف قومی ارادگی نا ڈیک ءُ۔