انڈونیشین نیول چیف نا جی ایچ کیو ٹی فیلڈ مارشل سید عاصم منیر تون اوڑدہی
ہڑتوم آ سرکڑدہ غاک تین پہ تینی است خواہی نا باندات، علاقائی سلامتی و تین پہ تینی دفاعی کمکاری آ ہیت و گپ کریر
Get real time updates directly on you device, subscribe now.
راولپنڈی، انڈونیشین نیول چیف جی ایچ کیو بسا، فیلڈ مارشل سید عاصم منیر تون اوڑدہی ٹی تین پہ تینی است خواہی نا باندات، علاقائی سلامتی و تین پہ تینی دفاعی کمکاری آ گپ وتران کننگا۔ ہڑتوم آ ملک آتا نیام اٹی عسکری تعلقداری تیا است جمی نا درشانی کننگا و کسبی ہیلکاری و اسیجائی مشق آتیٹی کمکاری ءِ پین ودفنگ نا ارادگی نا درشانی کننگا۔ آئی ایس پی آر نا رِد اٹ انڈونیشین بحریہ نا سروک، ایڈمرل ڈاکٹر محمد علی جی ایچ کیو راولپنڈی ٹی آرمی چیف و چیف آف ڈیفنس فورسز فیلڈ مارشل سید عاصم منیر تون اوڑدہی کرے، اوڑدہی نا وخت آ تین پہ تینی است خواہی نا باندات، علاقائی سلامتی و تین پہ تینی دفاعی کمکاری آ گپ وتران کننگا، ہڑتوم آ فریق آک فوج آتا نیام اٹی ساڑی تعلقداری تیا است جمی نا درشانی ءِ کریر و کمکاری ءِ پین سوگو کننگ نا ارادگی نا دوارگی ءِ کریر، ہڑتوم آ کنڈ آن خاص وڑ اٹ کسبی ہیلکاری، دفاعی اواری و اسیجائی مشق آتا بشخ آتیٹی کمکاری ءِ ودفنگ آ امنا کننگا، آرمی چیف و چیف آف ڈیفنس فورسز دفاع و سلامتی نا بشخ انڈونیشیا تون متکن و ایلمی تعلقداری تے پین سوگو کننگ نا ارادگی نا دوارگی ءِ کرے، ایڈمرل ڈاکٹر محمد علی پاکستان نا سلہہ بند فوج انا کسبی چاہنداری نا ستاءِ کرے و علاقائی امن و سوگوی کن اوفتا خذمت آتے امنا کرے۔