امریکہ وینزویلا غانبار ایران نا تیل ءِ ہم ہلنگ کیک، صدر ٹرمپ

ڈبلن، امریکی صدر ڈونلڈ ٹرمپ دعویٰ کرینے کہ امریکہ وینزویلا نا وڑ اٹ ایران اٹی سلنگ کیک و تیل ءِ تینا کوزہ ٹی ہلنگ کیک۔ آئرلینڈ نا دورہ و گالف میچ ہننگ نا وخت آ صدر ڈونلڈ ٹرمپ پارے کہ اودے اومیت ءِ کہ ایران جنگ برجا سال اٹ چٹک و دا وڑ نومبر اٹی مروک نیامی مُد گچین کاری تیان دمدستی پد مننگ کیک۔ نیامی دے ٹک اٹی برجا جنگ انا سوب آن تیل انا جہانی منڈیک بھاز زہمی مسنو وخت اس کہ سعودی تیل پائپ لائن آ جلہو آن پد تیل انا پوریاگرک پارینو کہ نہاد آتیٹی پین ودکی مننگ کیک۔ صدر ڈونلڈ ٹرمپ دا ہم پارے کہ او بیرہ درست معاہدہ کیک ہندن ءُ معاہدہ کپک ہرا جوان مفس، ایران امن مذاکرات پدریسہ رابطہ کننگ اٹی ءِ ولے تہران مستین اٹی مروک دا وڑ انا دعویٰ تے مسترد کرینے۔