مچ آ قوم ءِ پاک فضائیہ غا گمر ءِ، وزیراعظم

اسلام آباد، وزیراعظم محمد شہباز شریف پارینے کہ یومِ فضائیہ نا وخت آ بہادرفضائی جانباز آتا جیرت، کسبی چاہنداری و سوگو آ جوزہ ءِ سلام پیش کینہ۔ دوشنبے نادے آ راجی رابطہ نا ویب سائٹ ایکس آ تینا اسہ پوسٹ اسے ٹی او پارینے کہ ستمبر 1965ء ٹی پاکستانی فضائی دنگ انا بہادری اٹ رکھ آن ہلیس مئی 2025ء ٹی معرکہ حق انا وخت آ فیصلہ ئی ورندی اسکان، پاک فضائیہ بہادری، کسبی چاہنداری‘ درست نشانہ و قربانی نا تینا گمرنا قابل روایت ءِ برجا تخانے۔ جوان تیاری، پوسکن آٹیکنالوجی ٹی چاہنداری و پاک فوج انا ایلو سروسزآتتون گچین ہم گرنچی نا کمک اٹ پاک فضائیہ وار وار آ پک کرینے کہ او ہر چیلنج نا مون ءِ توننگ اٹ پاکستان نا وتواجہی نا دفاع ءِ کننگ نا پورو بود تخک۔ وزیراعظم پارے کہ نن تینا شہید آتے خراجِ عقیدت پیش کینہ، ہرافتاعظیم قربانیک مدام قوم انا یات آتیٹی نقش مریرہ۔ او پارے کہ مچ آقوم ءِ پاک فضائیہ غا گمر ءِ۔