گورنمنٹ گرلز مڈل اسکول پاوان جیونی ٹی اقبال دے نا رد اٹ دود

گوادر / جیونی، گورنمنٹ گرلز مڈل اسکول پاوان جیونی ٹی شاعرِ مشرق علامہ ڈاکٹر محمد اقبالؒ نا ودی دے انا رد اٹ دود اس ہلک‘ دود انا بنا تلاوتِ کلامِ پاک آن مس۔ داوخت آ اسکول نا طالب علم و استاد آک علامہ اقبالؒ نا شخصیت، زند، علمی و ادبی خذمت، فلسفہ خودی و قومی فکر آ تران کریر۔ ترانکار آک تینا تران اٹی پاریر کہ علامہ اقبالؒ نا شاعری ورنا چین اٹی تینے آ پت، خودداری، بڑزکو حوصلہ، علم و عمل و قومی شعور بیدار کننگ نا اہم ءُ کمک اسے‘ او پاریر کہ اقبالؒ نا کلہو اینو ہم ورنا چین اکن کسر نا ڈیوان ءِ‘ ہراڑا عمل کرسا اسہ پامدار‘ لائخ و شونہال ءُ راج اسے نا ٹہیفنگ پک مننگ کیک۔