جانجوڑی آسراتی تیان الس نا خواریک کم مریرہ، مولانا ہدایت الرحمان
Get real time updates directly on you device, subscribe now.
گوادر، صوبائی اسمبلی نا باسک مولانا ہدایت الرحمن بلوچ تحصیل اورماڑہ نا مُر انگا علاقہ سرکی نا دورہ ءِ کرے، ہراڑے او علاقہ نا الس ءِ بنداوی طبی آسراتی تا فراوانی کن بنداوی جانجوڑی ہند انا تفنگ نا باقاعدہ بنداو ءِ تخا۔ دا ڈٹ اربن پلاننگ اینڈ ڈویلپمنٹ اتھارٹی نا چاروکی ٹی جم وڑ اٹ 3 کروڑ 50 لکھ روپئی نا خڑچ اٹ 24 تُو انا پک کروک وخت اٹ پورو کننگک۔ دا وخت آ صوبائی اسمبلی نا باسک بسول و ایلو مُر انگا علاقہ غاتا باتی تتون اوڑدہی کرے و اوفتا ویل و گرج آتیان معلومداری دوئی کرے۔ اوپارے کہ دا ڈٹ انا پوروی آن سرکی و گنڈوک آبادی تا الس ءِ بنداوی طبی آسراتی تا فراوانی ٹی نمان گچینی بریک و اوفتے درمان کن مُر انگا علاقہ غاتا سفر کننگ نا خواری آن ہم بھلو حد اسسکان خلاسی رسینگک۔