دشمن نا ہر ہن وبر ءِ ننا بحریہ ہننگ اٹی ءِ، ایرانی پاسدارانِ انقلاب

تہران، ایرانی پاسدارانِ انقلاب دعویٰ کرینے کہ او آبنائے ہرمز اٹی 3 امریکی بحری جہاز آتے شست کرینے۔ پاسدارانِ انقلاب نا رِداٹ امریکی بالی جہاز ہرفوک بحری جہاز و اسہ ڈسٹرائر اسے ءِ بیلسٹک میزائل آتتون شست کننگا، وخت اس کہ ہڑتوم آ جنگی جہاز آک پاننگوک وڑ اٹ ایران نا بحری گھیڑ کننگ اٹی بشخ ہلوک ئسر۔ ایرانی پاسدارانِ انقلاب پارینے کہ امریکی جنگی جہاز آتے ایرانی بحری جہاز آتے کن اڑاند ودی کننگ آ شست کننگا، ہراڑان پد ہڑتوم آ امریکی جنگی جہاز آک ہند آن نرّار۔ ایرانی کمامدار آک مستی دا دعویٰ کریر کہ امریکی فوج انا اسہ بے پائلٹ کشتی اسے ءِ ہم شست کننگا، ہرا آبنائے ہرمز نا رکھوک ہند اٹی پترینگ گیگ نا کوشست کننگ اٹی ئس۔ پاسدارانِ انقلاب پارت کرے کہ دشمن نا ہر ہن وبر غا ننا بحریہ نا نظر تخوک ءِ و دشمن نا ہر کارروائی نا فیصلہ ئی وڑ اٹ ورندی تننگک۔