ڈاکٹر ربابہ خان بلیدی تون یو این ویمن نا ڈل انا اوڑدہی

کوئٹہ، صوبائی سلاہکار زالبول شونداری ڈاکٹر ربابہ خان بلیدی تون یو این ویمن نا نمائندہ داؤد ننگیال و سائرہ لہڑی اوڑدہی کریر، ہراٹی بلوچستان اٹی زالبول تا شونداری‘ر کھ‘ زرگرانی وتواجہی و واکداری نا چندی باندات آتیا گپ وتران کننگا۔ اوڑدہی نا وخت آ بلوچستان اٹی زالبول آتا آسودہی کن برجا حکومتی گام گیج، پالیسی و آخبت نا ڈٹ آتا جم جاچ ءِ ہلنگا، وخت اس کہ زالبول آتے تعلیم، جانجوڑی، کسبی ہیلکاری روزگار و زرگزرانی وارخواہی تا فراوانی کن ادارہ ئی کمکاری ءِ پین سوگو و فعال کننگ آ گپ وتران کننگا۔ ڈاکٹر ربابہ خان بلیدی پارے کہ حکومت بلوچستان زالبول آتا شونداری و واکداری ءِ تینا بنجائی اولیت آتے ٹی اوار کرینے، انتئے کہ زالبول آتا زرگزرانی وتواجہی آن بیدس مدامگی راجی و و زرگزرانی شونداری نا تغ نا پورو ءِ، ہندا سوب آن حکومت زالبول آتے ہنر، روزگار و کاروباری وارخواہی فراوان کننگ کن عملی گام گیج کننگ اٹی ءِ۔