ترکیہ اسرائیلی وزیراعظم ءِ دنیا نا سلامتی کن گڑتی اس گوندا

استنبول، ترک وزیر خارجہ حاقان فیدان اسرائیلی وزیراعظم نیتن یاہو ءِ دنیا نا سلامتی کن بھلو گڑتی اس گوندانے۔ ترک وزیر خارجہ پیدوار کرے کہ غزہ ٹی مروک کودک آ شاری تا نسل کشی آن پد اسرائیلی وزیراعظم انسانیت نا پاش آن پاش دشمن جوڑ مسنے، او جہانی برادری آن خواست کرے کہ او نیتن یاہو نا بھسکاری پالیسی تے توننگ کن دمدستی و ہلہلہ ئی کارروائی کیر۔ حاقان فیدان پارے کہ جہانی نظام ءِ ‘نیتن یاہو نا گڑتی تون اواری اٹ مون تروئی تمک۔ ڈیہہ اٹی برجا جنگ و چک و تاڑ نا بابت ہیت کرسا او پارے کہ جنگ اٹ اوار پڑک آک دا بھسکاری کروک جنگ ءِ مدام برجا تخنگ کن چندی وڑ وڈول تے کننگ اٹی ءُ ہرافتے توننگ المی ءِ۔ او پارے کہ نن ہچ گہس خواپنہ کہ پڑک آک اسٹ ایلو ءِ بھس کیر انتئے کہ دا عمل اخیر مچ آ ڈیہہ ءِ بھس کننگ نا سوب مریک۔