محکمہ ماحولیات گوادر ماحول دوست ڈٹ آتیا کاریم کننگ ءِ، طارق بلوچ

گوادر، اسسٹنٹ ڈائریکٹر تحفظِ ماحولیات طارق بلوچ پارینے کہ حکومتِ بلوچستان نا الس دوست وژن و مدامگی شونداری پالیسی نا رِد اٹ محکمہ تحفظِ ماحولیات گوادر جتا جتا چاگڑد دوست ڈٹ آتیا عملدرآمد کننگ اٹی ءِ ہراٹی ماحولیات نا رکھ، ماحولیاتی کانود نا بھرمی نفاذ، صنعتی و شونداری ڈٹ آتا چاروکی‘ شجرکاری، گڑد ءِ توننگ و السی آگاہی نا بشخ آتیٹی نمان پیش رفت ءِ پاش کننگانے۔ او پارے کہ محکمہ تعلقدار ادارہ غاتا کمک اٹ جتا جتا شونداری ڈٹ آتا چاگڑدی چاروکی‘ ماحولیاتی زہم آتا جاچ، السی غاو تا وخت آ ایسری‘ تعلیمی ادارہ غاتیٹی سُج پام پروگرام، شجرکاری مہم و قدرتی وسیلہ غاتا رکھ اکن بھرمی گام گیج کرینے۔ دا سرجز آتا مسخت گوادر اٹی جانجوڑ، سفا و چاگڑد دوست چاگڑد ءِ شون تننگ ۔