کمشنر مکران ٹیچنگ ہسپتال تربت اٹی سولر اسٹریٹ لائٹ آتا بناءِ کرے

تربت، کمشنر مکران ڈویژن ٹیچنگ ہسپتال تربت اٹی 40 سولر اسٹریٹ لائٹس نا بناءِ کرے، دا وخت آ جتا جتا بشخ آتا جاچ ءِ ہلک و طبی آسراتی تا جوانی آ ہم زور شاغا۔ دا وخت آ کمشنر مکران ڈویژن قادر بخش پرکانی میرانی ہاؤسنگ اسکیم نا کارپوریٹ سوشل ریسپانسیبلٹی (CSR) فنڈ نا رِد اٹ ٹیچنگ ہسپتال تربت اٹی خلوک 40 سولر اسٹریٹ لائٹ آتا بنائی دود اٹی بشخ ہلک۔ دا ڈٹ انا مسخت ہسپتال نا دنگ اٹی نن نا وخت آ روشنائی نا فراوانی و ناجوڑ، خاہوت و کارندہ غاتا رکھ و جوان چاگڑد فراوان کننگ ءِ۔ دا وخت آ ڈپٹی کمشنر کیچ یاسر اقبال دشتی، ایڈیشنل ڈپٹی کمشنر (ریونیو) مقبول انور، میڈیکل سپرنٹنڈنٹ ٹیچنگ ہسپتال ڈاکٹر عبدالوحید بلیدی، پرنسپل مکران میڈیکل کالج ڈاکٹر افضل خالق، ڈاکٹر میران دشتی، ڈاکٹر آصف بلوچ، ڈاکٹر عطاء اللہ، پی اے ٹو کمشنر ناصر حسن و ایلو ڈاکٹر و تعلقدار افسر آک ہم ساڑی ئسر۔ بنا غان پد کمشنر مکران ڈویژن ہسپتال نا جتا جتا بشخ، خاص وڑ اٹ ایمرجنسی و چلڈرن ایمرجنسی وارڈ انا دورہ ءِ کرے و ہموڑے فراوان کروک طبی آسراتی تا جاچ ءِ ہلک۔