اسسٹنٹ کمشنر اورماڑہ نا بسول و ہُڈ انا اناگت دورہ

اورماڑہ، اسسٹنٹ کمشنر ڈاکٹر ماہ نور برکت اورماڑہ نا مر انگا علاقہ بسول و ہُڈ نا اناگت دورہ ءِ کرے ہراڑے او گورنمنٹ بوائز مڈل اسکولز و بنداوی جانجوڑی ہند آتیٹی حاضری، آسراتی تا فراوانی و خذمت آتا جاچ ءِ ہلک، اسسٹنٹ کمشنر گورنمنٹ بوائز مڈل اسکول بسول و ہُڈ اٹی استاد و طالب علم آتا حاضری، تدریسی عمل، تعلیمی چاگڑد، ماڑی تا حالیت، سفائی و بنداوی آسراتی تا جاچ ءِ ہلک‘ وخت اس کہ بنداوی جانجوڑی ہند آتیٹی طبی کارندہ غاتا حاضری، دارو تا دوئی مننگ، سفائی و الس ءِ تروک طبی آسراتی تا جاچ ءِ ہلک و السی خذمت آتا آب اٹی گچینی و بنداوی آسراتی تا وخت آ فراوانی کن المی پارت کرے۔