ڈیہہ اٹی امن و سوگوی کن مذاکرات و سفارت کاری اسٹ انگا کسر ءِ، اسحاق ڈار
Get real time updates directly on you device, subscribe now.
اسلام آباد، نائب وزیراعظم و وزیر خارجہ اسحاق ڈار پارینے کہ ڈیہہ اٹی امن و سوگوی کن مذاکرات و سفارت کاری ءِ کاریم اٹ اتنگ اسٹ انگا کسر ءِ‘ توانائی و بحری ہن وبر اٹی اڑاند آتا زہمک شونداری ناکنڈآ گام کروک ملک آتیا تمرہ، بحری جہاز آتا رکھوک و دمدستی ہن وبر ءِ پک کننگ المی ءِ۔ ترجمان دفتر خارجہ نا رِد اٹ نائب وزیراعظم و وزیر خارجہ اسحاق ڈار نا ایرانی وزیر خارجہ عباس عراقچی تون ٹیلفون آ گپ وتران مس‘ اسحاق ڈار و عباس عراقچی ڈیہہ انا داسہ نا حالیت آتیاگپ وتران کریر۔اسحاق ڈار بے اڑاند توانائی نا فراوانی نا اہمیت آ زور شاغا، اسحاق ڈار پارے کہ بحری جہاز آتا رکھوک و دمدستی ہن وبر ءِ پک کننگ المی ءِ‘ توانائی و بحری ہن وبر اٹی اڑاند تا زہمک شون ہلوک و شونداری نا کنڈا گام کروک ملک آتیا تمرہ، جہانی سپلائی چین اکن بحری جہاز آتا رکھوک ہن وبر بھاز اہم ءِ‘ ڈیہہ اٹی امن و سوگوی کن مذاکرات و سفارت کاری اسٹ انگا کسر ءِ‘ ترجمان نا رِد اٹ پاکستان و ایران خڑک کمکاری ءِ برجا تخنگ آ امنا کریر وخت اس کہ نیویارک اٹی اوڑدہی آ ہم امنائی مس، ہڑتوم آ وزیر خارجہ غاتا اقوام متحدہ نا 81 میکو جنرل اسمبلی نا وخت آ اوڑدہی مریک۔