ریاض، جدہ، طائف و ینبوع ٹی گمانی گڑتی تا وارننگ جاری

ریاض، سعودی سول ڈیفنس تدوک آدے سہب انا بنجائی شار ریاض اٹی گمانی گڑتی تا سوب آن الرٹ جاری کرے۔ الخرج کن ہم الرٹ جاری کننگا وخت اس کہ جدہ، طائف و ینبوع ٹی خطرہ نا وارننگ جاری کننگا، خبر ایجنسی نا رِد اٹ دا گام حوثی ٹولی نا جلہو آتیٹی ودکی نا رد اٹ کننگا ولے اوکان پد الرٹ ءِ پدی ہلنگا‘ داکان مست جمعہ نا نن ہم سعودی عرب نا شار جدہ، طائف و ینبوع ٹی خطرہ نا وارننگ جاری کننگاسس، العلا، خمیس مشیط، جازان، ابھا و فرسان اٹ ہم وارننگ جاری کننگا ولے منہ وخت آن پد سعودی سول ڈیفنس نا کنڈ آن وارننگ ءِ پدی ہلنگا۔ سعودی وزارتِ داخلہ شاری تے و مقیم بندغ آتے سوشل میڈیا و ایلو پلیٹ فارم آتیا کلہو یا معلومداری شین کننگ آن مست اوفتے پک کننگ نا پارت کرینے۔