بلوچستان حقی بدلی نا کنڈ آ پیشرفت کننگ اٹی ءِ‘میر ظہور احمد بلیدی

کوئٹہ، وزیر ڈٹ بندی و شونداری بلوچستان میر ظہور احمد بلیدی سوشل میڈیا پلیٹ فارم “ایکس” آ تینا بیان اٹی پارینے کہ بلوچستان حقی بدلی نا کنڈ آ پیش رفت کننگ اٹی ءِ‘ ہراڑے الس ءِ آب اٹو جانجوڑی و تعلیم نا آسراتی تیا اوار شرفدار روزگار نا گچین وارخواہی فراوان کننگ آ چکار کننگ انگ ءِ‘ میر ظہور بلیدی پارے کہ آب اٹو جانجوڑی و تعلیم اسکان الس نا رسینگ گیگ و شرفدار روزگار نا وارخواہیک مدامگی شونداری و شونہال بلوچستان نا بنداو ءُ، او وزیراعلیٰ بلوچستان میر سرفراز بگٹی نا کنڈ آن میر غلام قادر بگٹی میموریل ہسپتال بائیکر اٹی 100 بھلا سرجری تاپوروی تون تعلقدار سوشل میڈیا پوسٹ انا حوالہ ترسا دا پیشرفت ءِ بلوچستان نا مر انگا علاقہ غاتیٹی طبی آسراتی تا فراوانی نا رد اٹ پیدوار کرے۔ میر غلام قادر بگٹی میموریل ہسپتال بائیکر اٹی ایمرجنسی و ول ویچڑ کیس تیا اوار 100 بھلا سرجری تا پوروی نا حوال ہم داسہ نا رپورٹ اٹی مون آ بسنے، وزیرِ ڈٹ بندی و شونداری پارے کہ مر انگا علاقہ غاتیٹی جانجوڑی نا آب اٹنگا آسراتی تا فراوانی آن الس ءِ درمان کن مُر انگا سفر نا خواری تیان خلاص دوئی مننگ اٹی کمک رسینگک۔ ہسپتال اٹی خصوصی طبی و جراحی خذمت آتا ساڑی مننگ نا بابت ہم تعلقدار ادارہ غاک پیشرفت رپورٹ کرینو، صوبائی وزیر پارے کہ جانجوڑی، تعلیم و شرفدار روزگار اسکان رسینگ گیگ مدامگی شونداری نا بنداو ءِ۔