ڈسٹرکٹ ہیلتھ آفیسر چاغی نا رورل ہیلتھ سنٹر چاغی نا دورہ

ڈسٹرکٹ ہیلتھ آفیسر چاغی ڈاکٹر عبدالمالک بلوچ رورل ہیلتھ سنٹر چاغی نا دورہ ءِ کرے۔ سرجم حوال آتا رِد اٹ مانیٹرنگ اینڈ ایوولوشن آفیسر سعید میر بلوچ و مانیٹرنگ آفیسر حاجی ڈاکٹر حامد گل یوسفزئی ہم ڈسٹرکٹ ہیلتھ آفیسر تون اوار ئسر۔ انچارج رورل ہیلتھ سنٹر چاغی عبدالباسط زہری ڈی ایچ او ءِ ہیلتھ فیسلٹی سنٹر نا بابت بریفنگ تس۔ دا وخت آ ڈسٹرکٹ ہیلتھ آفیسر اسٹاف نا حاضری رجسٹر، لیبر روم، ایم سی ایچ سنٹر، ٹیلی ہیلتھ سنٹر، ای پی آئی سنٹر، او ٹی پی سنٹر، بینظیر نشوونما پروگرام، دارو تا ساڑی مننگ و ہڑدے ئی او پی ڈی رجسٹر نا جم جاچ ءِ ہلک۔ دا وخت آ الائیڈ ہیلتھ ایسوسی ایشن چاغی نا ضلعی چیئرمین شعیب احمد محمدحسنی، نائب صدر سردار شریف خان سنجرانی، نائب صدر محمد آصف محمدحسنی، نجم الدین سنجرانی، الائیڈ ہیلتھ آرگنائزیشن چاغی نا ضلعی سرپرست اعلیٰ حاجی ندام خان سنجرانی، محمد اشرف، سید غلام نبی و ایلو اسٹاف دا وخت آ ساڑی ئس۔ چاغی (گل بلوچ)