اسسٹنٹ کمشنر موسیٰ خیل نا کماشی ٹی پی پی ایچ آئی نا تُوئی دیوان
Get real time updates directly on you device, subscribe now.
موسیٰ خیل، اسسٹنٹ کمشنر موسیٰ خیل نجیب اللہ کاکڑ نا کماشی ٹی پی پی ایچ آئی نا تُوئی کارکڑد رپورٹ (MRM) جاچ دیوان اڈ ہلک۔ دیوان اٹی ڈسٹرکٹ ہیلتھ آفیسر ڈاکٹر محمد حسن ڈومکی، ڈسٹرکٹ منیجر پی پی ایچ آئی امان شاہ، اے ڈی ایس ایم پی پی ایچ آئی عمران، ایم این ای آفیسر عمران بزدار و ایلو تعلقدار کمامدار آک بشخ ہلکر۔ دیوان نا وخت آ ڈسٹرکٹ منیجر پی پی ایچ آئی امان شاہ مچ آ ضلع نا بنداوی جانجوڑی ہند آتے ٹی طبی آسراتی تا فراوانی، دارو تا ساڑی مننگ کارندہ غاتا حاضری و برجا فیلڈ سرجز آتیا جم بریفنگ تس، و کارکڑد نا بابت حساب کتاب ءِ پیش کرے۔ دا وخت آ اسسٹنٹ کمشنر نجیب اللہ کاکڑ پی پی ایچ آئی نا کارکڑد ناستاءِ کرسا پارے کہ محکمہ جانجوڑی و پی پی ایچ آئی نا تین پہ تینی کمک ضلعی کہول آ جانجوڑی نا بنداوی آسراتی تا جوانی کن بھاز اہم ءِ‘ او مستی پارت کرے کہ الس ءِ جوان طبی کمک نا فراوانی ءِ پک کننگ کن فیلڈ اٹی کارکڑد نا دا ریسہ پین بھرمی وڑ اٹ برجا تخنگے۔