سوات‘کبل اٹ پولیس اسٹیشن ناپیشن آ خودکش دھماکہ، 14 بندغ شہید

خیبر پختونخوا نا ضلع سوات نا علاقہ کبل اٹ پولیس اسٹیشن نا پیشن آ پاننگوک خودکش دھماکہ ٹی پولیس کارندہ غاتتون اوار 14 بندغ زوال وخت اس کہ 18 غان زیات ٹھپی مسنو۔ سوات پولیس نا رد اٹ دھماکہ غان دمدستی پد پولیس، ریسکیو و کانود نافذ کروک ادارہ غاتا کارندہ غاک جاگہ غا سرمسر وکمکی کارروائی تا بناءِ کریر۔ ڈی پی او سوات عمر خان نا رد اٹ بنائی جاست پاست اٹ دھماکہ خودکش جلہو اس خننگک۔ او پارے کہ اسہ جلہوگیر اس کبل پولیس اسٹیشن نا پیشن آ تینے دھماکہ ٹی ترخفے ولے واقعہ نا کل پہلو تیان جاست پاست کننگ انگ ءِ۔ ریسکیو 1122 نا رد اٹ دھماکہ ٹی دا وخت اسکان 14 بندغ نا زوال مننگ پک مسنے وخت اس کہ 18 غان زیات ٹھپی ءُ۔ کمامدار آتا رد اٹ زوال مروک بندغ آتیان 9 انا لاش ءِ سیدو شریف سینٹرل ہسپتال اخت اس کہ 5 لاش کبل ہسپتال آ سرکننگانے۔ پولیس نا رد اٹ زوال و ٹھپی مروک آتے ٹی زیات کچ پولیس کارندہ غاتاءِ‘ ولے لس شاریک ہم زہمی مسنو۔ ڈی پی او سوات پارینے کہ دھماکہ غان دمدستی پد پرسجوئی ٹیم جاگہ غا سر مس و شاہدی تے مچ کننگانے۔ دھماکہ غان پد مچ آ سوات اٹ سیکورٹی ہائی الرٹ کننگانے۔