آئی جی پولیس بلوچستان نا کنڈ آن ڈاکٹر سمیع ملک و فریال فرید کن سفاروکی دود
Get real time updates directly on you device, subscribe now.
انسپکٹر جنرل پولیس بلوچستان محمد طاہر سینٹرل پولیس آفس اٹی ڈاکٹر سمیع ملک و فریال فرید نا صوبہ خیبر پختونخوا تعیناتی آ اوفتے الوداع کرے و پولیس یاتگیری شیلڈ ہڑتوم آ افسر آتے تس۔ داڑتون اوار اوفتا بلوچستان پولیس کن نہادی خذمت آتا ستاءِ کننگا۔ دا وخت آ آئی جی پولیس بلوچستان محمد طاہر اوفتا کسبی خذمت آتا ستاءِ کرسا پارے کہ ہڑتوم آ افسر آک رینجز، کوئٹہ و سینٹرل پولیس آفس اٹی جتا جتا وڑ اٹ تینا زمواری تے بھاز دیانت، خواری و کسبی لائخی اٹ سر تسر، ہرا بلوچستان پولیس و شاری تیکن گمر نا سوب ءِ۔ آئی جی پولیس پارے کہ ڈاکٹر محمد سمیع ملک و فریال فرید نا خذمت آتے مدام شرف اٹ یات تخنگک۔ او ہڑتوم آ افسر آتیکن نیک انگا استخواہی تا درشانی ءِ کرسا اومیت کرے کہ او تینا پوسکن آ زمواری تیٹی ہم ہندا جوزہ و استخواہی اٹ زمواری تے سر ترسا ادارہ نا پن ءِ روشنا کیرہ۔