کمشنر نصیرآباد نا کماشی ٹی ایس بی کے بھرتی تا بابت دیوان

بلوچستان ہائیکورٹ نا پارت آتا رِد اٹ کمشنر نصیر آباد ڈویژن صلاح الدین نورزئی نا کماشی ٹی ایس بی کے (SBK) بھرتی تتون تعلقدار اسہ اہم ءُ دیوان اس اڈ ہلک، ہراٹی ضلع صحبت پور نا اسہ اومیتدار اسے نا کنڈ آن عدالت اٹی میرٹ و داد رسی نا بابت دائر کروک درخواست آ پرمان تا جاچ ہلنگا۔ دیوان اٹی کمیٹی نا باسک، ڈویژنل ڈائریکٹر اسکولز عبدالواسع کاکڑ، وائس پرنسپل بوائز ڈگری کالج خالد سلطان، سعدیہ خان و ایلو تعلقدار افسر آک بشخ ہلکر۔ عدالتی پرمان نا رد اٹ اومیتدار نا کل کاغد آتا سرجمی اٹ جاچ انا وخت آ دا ہیت مون آ بس کہ درخواست گزار نا اصل نمبر آک زیات ئسر ولے اوفتے کم نشان تننگاسس۔ دا وخت آ کمشنر صلاح الدین نورزئی پارت کرسا پارے کہ حقدار اومیتدار ءِ امر کہ مرے انصاف فراوان کننگے و اودے اونا روا انگا حق ءِ تننگے، وخت اس کہ میرٹ نا بنداو آ شفاف تعیناتی ساڑی حکومت نا وژن ءِ و داڑا سختی اٹ عملدرآمد ءِ پک کننگ انگ ءِ۔