ڈھاڈر، ایکسین ظفر چھلگری نا کھمبہ غاتا جوڑ جاڑ نا کاریم نا دورہ
Get real time updates directly on you device, subscribe now.
ایکسین واپڈا سبی ظفر احمد چھلگری ڈھاڈر نا خڑک آ نادرست بندغ آتا کنڈ آن بھسکاری آن نسخان رسیفوک ہائی ٹرانسمیشن لائن نا اِرا ٹاور نا جوڑ جاڑ نا کاریم نا جاچ ہلنگ کن زہمی ہند انا دورہ ءِ کرے۔ دا وخت آ اوڑتون ایس ڈی او محمد نواز کھوسہ، لائن سپرنٹنڈنٹ علی گوہر مگسی و کیسکو نا تکنیکی ٹیم ہم ساڑی ئس۔ او جوڑ جوڑ نا کاریم نا جم دورہ ءِ کرے و کارندہ غاتے پارت کرے کہ کاریم نا ترندی ءِ پین ترند کرسا اودے زُوت آن زُوت پورو کننگے تانکہ ڈھاڈر و ایب کیب اٹی بجلی نا فراوانی پورو وڑاٹ بحال مننگ کے۔ ایکسین ظفر احمد چھلگری ڈھاڈر پریس کلب نا صحافی تتون ہیت و گپ کرسا پارے کہ کیسکو نا ٹیمک سخت انگا حالیت آتیان پد ہم نن و دے کاریم کننگ اٹی ءُ و بجلی نا دمدستی بحالی کن غٹ دوئی وسیلہ غاتے کاریم اٹ اتنگ ءُ، انشاء اللہ زُوت ڈھاڈر نا بجلی پورو وڑاٹ بحال کننگک۔ڈھاڈر/بولان (نامہ نگار سمیع اللہ جلبانی بلوچ)