ماشکیل نوکنڈی روڈ انا کاریم دہ سال آن سلوک ءِ
Get real time updates directly on you device, subscribe now.
ماشکیل آن نوکنڈی 104 کلومیٹر روڈ انا تفوئی کاریم تدوک آ دہ سال آن سلوک ءِ و اینو اسکان دا اہم آ السی ڈٹ ءِ پورو کننگ تنے۔ تعلقدار ٹھیکیدار نا پدریسہ ڈیوالئی، انتظامی نابودی و حکومتی بے چکاری علاقہ نا ہزار آ شاری تے خواری‘ محرومی نا زند گدریفنگ آ بیوس کرینے۔ دا شاہراہ بیرہ اسہ کسر اس اف بلکن ماشکیل نا الس نا زند انا شہہ رگ نا وڑ اٹی ءِ ولے بدبختی اٹ دا شہہ رگ تدوک آ دہ سال آن حکومتی قول، پڑو و کاغدی ڈٹ بندی نا گواچی مسنے۔ ماشکیل نا سیاسی و راجی تپہ غاک حکومت بلوچستان، وزیراعلیٰ بلوچستان، چیف سیکرٹری، این ایچ اے و ایلو تعلقدار ادارہ غاتیان خواست کرینو کہ ماشکیل آن نوکنڈی شاہراہ نا کاریم ءِ دمدستی وڑاٹ پورو کنگے، ڈٹ اٹی بے گرج ہُرے کننگ نا شفاف جاست پاست کننگے، زموار آتے پک کرسا اوفتا برخلاف کارروائی کننگے و دا اہم آ شاہراہ ءِ ہلہلہ ئی بنداو آ پورو کرسا الس ءِ خواری‘ محرومی تیان آجو کننگے۔ماشکیل (نصیر کبدانی)