ہرمز تَنک آن تیل مست آن زیات گدرینگ انگ ءِ، ٹرمپ نا دعویٰ
Get real time updates directly on you device, subscribe now.
امریکی صدر ڈونلڈ ٹرمپ دعویٰ کرینے کہ تیل مست آن پین زیات کچ اٹی گدرینگ انگ ءِ‘ ہرا امریکہ نا شانی فوجی واک آن مننگ کرے۔ امریکی صدر پارے کہ ننا عظیم آ فوج و سرکڑدہ غاتا منت واری اٹ ہرمز تنک بحری ہن و بر کن ملوک ءِ‘ ہرمز تنک آن ہن و بر ایران کن اف و ہرمز تنک ایران کن بند مننگ نا سوب ایرانی سرکڑدہ غاک ءُ‘ ٹرمپ پارے کہ ایران نا سرکڑدہ غاک دروغ تڑ‘ بیدادی کروک و بدنیتی پالیسی تینائی کرینو۔ خلیجی ریاست آک ہرمز تنک آ 20 درسَد امریکی فیس انا جاگہ غا واپاری و زرکاری معاہدہ کیر، دا زرکاری بھاز بھلن و ہمو ملک آتین بھاز فائدہ نا سوب مریک۔ پوسکن آ زرکاری تیان امریکہ ٹی بھاز شونداری مریک‘ امریکی تیکن ملازمت ودی مریک۔ ٹرمپ دا فیصلہ ءِ نیامی دے ٹک نا سرکڑدہ غاتتون بھرم تروک ہیت وگپ آن پد کرے۔