وطن کن قربانی ءِ تنخواہ تون گنڈنگ اخلاقی بے حسی اسے، خواجہ آصف

وزیر دفاع خواجہ آصف جمعیت علماء اسلام (ف) نا سروک مولانا فضل الرحمان نا بیان آ تنقید کرسا پارینے کہ فوجی ورنا تا وطن کن قربانی ءِ تنخواہ تون گنڈنگ بے انصافی اسے‘ دا شہید آتا و اوفتا خاہوت آتا است آزاری ءِ‘۔ تینا بیان اٹی خواجہ آصف پارے کہ مولانا فضل الرحمان اسہ آزموندہ کار سیاستدان و پنی ءُ مذہبی راہشون اسے، اوڑان جوان لوز آتا گچین کننگ نا اومیت کننگک۔ او پارے کہ اسہ بندغ اس ہم بیرہ تنخواہ کن تینا نہادی جان نا قربانی تفک‘ جان نا قربانی نا پد اٹی اسہ نظریہ، عقیدہ، فرض یا وطن تون مہر و تعلقداری مریک۔