بلوچستان اٹ اولیکو وار ای ڈومیسائل، ای لوکل سرٹیفکیٹ سسٹم درستی راستی
وزیراعلیٰ بلوچستان میر سرفراز بگٹی نا پارت آ اہم جوانی اتنگ نا ڈٹ آ باقاعدہ بنا کننگانے، شاہد رند
Get real time updates directly on you device, subscribe now.
حکومت بلوچستان صوبہ ٹی اولیکو وار ای ڈومیسائل و ای لوکل سرٹیفکیٹ سسٹم درستی راستی کرینے، ہرانا رِد اٹ ڈومیسائل و لوکل سرٹیفکیٹ نا جاری کننگ نا مچ آ عمل پوسکنوڑ‘ پیدوار و ڈیجیٹل نظام نا کمک اٹ سر تننگک۔ وزیراعلیٰ بلوچستان نا کمکار حوالکاری و سیاسی باندات شاہد رند پارینے کہ وزیراعلیٰ میر سرفراز بگٹی نا پارت آ دا اہم انگا اصلاحاتی ڈٹ آ باقاعدہ بنا کننگانے۔ دا رد اٹ محکمہ داخلہ بلوچستان نادرا نا کمک اٹ انٹیگریٹڈ ڈومیسائل مینجمنٹ سسٹم (IDMS) نا نفاذ نا نوٹیفکیشن ہم جاری کرینے۔ شاہد رند پارے کہ نظام پورو وڑاٹ فعال مننگ آن پد بلوچستان نا شاریک مچ آ پاکستان اٹی ہر نادرا سینٹر، ڈپٹی کمشنر آفس یا پاک آئی ڈی پلیٹ فارم نا کمک اٹ ای ڈومیسائل کن درخواست تننگ کیرہ۔ دا گام آن السءِ بے گرج خواری، ہُرے، مڈل مین نا کڑد و جعلی سرٹیفکیٹ نا جاری کون آ ویل آتیان آجوئی رسینگک۔ او پارے کہ دا پوسکنوڑ نظام شاری تا ڈیٹا نا درستی، رکھ و آسان رسینگ گیگ ءِ پک کیک، ہراڑان انتظامی باندات و سیکورتی نظام پین بھرمی مریک۔ شاہد رند پارے کہ وزیراعلیٰ میر سرفراز بگٹی نا کماشی ٹی حکومت بلوچستان السی خذمت آتے شفاف و آسان کننگ کن عملی گام گیج کننگ اٹی ءِ۔