دیر دُزی نا برخلاف زیرو ٹالرنس پالیسی آ عمل کننگ اُن، میر صادق عمرانی
Get real time updates directly on you device, subscribe now.
صوبائی وزیر ایریگیشن میر محمد صادق عمرانی و صوبائی سیکرٹری آبپاشی سہیل الرحمن بلوچ نا پارت آ پٹ فیڈر کینال آن دیر دُزی نا برخلاف زیرو ٹالرنس پالیسی آ افسر آک عملدرآمد ءِ پک کننگ اٹی ءُ۔ صوبائی وزیر و صوبائی سیکرٹری نا پارت آتے عملی دروشم تننگ کن چیف انجینئر کینالز قربان علی جتوئی نا فیلڈ اٹی ساڑی ءِ‘ ہرانا چاروکی ٹی کشاری دیر نا بشخ و پانٹ نا عمل برجا ءِ‘ داڑتون اوار پٹ فیڈر کینال ایریگیشن انتظامیہ حقدار کشارگر آتے اوفتا روا انگا دیر فراوان کننگ کن عملی وڑاٹ جہد کننگ اٹی ءِ‘ خریف نا سیزن آن پد ہم محکمہ ایریگیشن نا افسر آک کارندہ غاتتون اوار تینا غٹ لائخی تے کاریم اٹ اتنگ اٹی ءُ۔