کل یونیورسٹی تا راہشونی نا بابت ایچ ای سی نا کڑد بھاز اہم ءِ،گورنر بلوچستان جعفرخان مندوخیل
چندی اڑاند آتیان پد ہم ہائیر ایجوکیشن کمیشن وژن و راستی نا نیام اٹ اہم ءُ پول اسے نا کڑد سر تننگ ءِ
Get real time updates directly on you device, subscribe now.
گورنر بلوچستان جعفرخان مندوخیل پارینے کہ پاکستان نا مچ آ پبلک سیکٹر یونیورسٹی تا راہشونی، کمک و قومی تعلیمی آب ءِ جہانی آب اتون ہم گرنچ کننگ اٹ ہائر ایجوکیشن کمیشن (ایچ ای سی) نا اہم کڑد ءِ۔ بلوچستان اٹی، ٹیچنگ، ریسرچ و ادارہ ئی تعمیر و شونداری ٹی ایچ ای سی نا پدریسہ کمک تعلیمی عمدگی (Education Excellence) و ریسرچ آ بنداو تروک پیشرفت نا بنداو اٹی اہم ءُ کڑد اس ادا کرینے۔ بنا غان بلوچستان اٹی المی تعلیمی آسراتی و وارخواہی تے جتا جتا وڑ انا اڑاند مون تروک مسنے ولے اوکان پد ہم ہائر ایجوکیشن کمیشن وژن و راستی نا نیام اٹی اہم ءُ پول اسے نا کڑد سر تننگ اٹی ءِ ہراڑکن نن چیئرمین ہائر ایجوکیشن کمیشن ڈاکٹر نیاز احمد اختر و اونا مچ آ ٹیم اناستا ءِ کینہ۔ گورنر بلوچستان جعفرخان مندوخیل تینا اسہ بیان اسے ٹی پارینے کہ جغرافیائی ہند و کچ اٹنگا وسیلہ غاتا چیلنج آتیان پد ہم صوبہ نا کل پبلک سیکٹر یونیورسٹی تیٹی دا وخت آ سَد آ پی ایچ ڈی و ایم فل اسکالر داسہ آب اٹنگا تعلیم فراوان کننگ اٹی ءُ و طالب علم آتے پوسکنوڑ تعلیم و ساڑی مارکیٹ نا گرج انا رِد اٹ پوسکنوڑ لائخی تننگ اٹی ءُ۔ فیکلٹی ڈویلپمنٹ، اسکالرشپ و ریسرچ گرانٹ اٹی ایچ ای سی نا کڑد دا بدلی ٹی بنجائی حیثیت تخک۔ ہندا وڑ ایچ ای سی نا کڑد کیہی وڑ اناءِ ہرا ساڑی گرج آتا رِد اٹ کوالٹی ایشورنس نا آب ءِ ترتیب ایتک و نافذ کیک، پوسکنوڑ علم انا بنداو تروک ریسرچ ءِ شون ایتک و صوبہ نا مر انگا ضلع غاتیٹی ہم ہائر ایجوکیشن اسکان بریبر رسینگ گیگ ءِ پک کیک۔