نوازشریف نا کاٹم آن مچ زند نابودی نا تلوار اسہ کنڈ مس

اسلام آباد : قائد ن لیگ نوازشریف نا کاٹم آن مچ زند نابودی نا تلوار اسہ کنڈ مس‘ الیکشن ایکٹ 2017 اٹ ترمیم نا بل قومی اسمبلی ٹی ہم امنائی اٹ منظور کننگا‘ الیکشن کمیشن پوسکن آ شیڈول و لس گچین کاری تاتاریخ نا پڑو ءِ کیک وخت اس کہ الیکشن پروگرام اٹ ترمیم ہم کننگ کیک۔ اسحاق ڈار الیکشن ایکٹ ترمیمی بل اٹ پین ترمیم پیش کرے‘ قومی اسمبلی نادیوان اٹ الیکشن ایکٹ 2017 اٹ ترمیم نا بل ءِ امنائی اٹ منظور کننگا‘ الیکشن کمیشن پوسکن آ شیڈول و لس گچین کاری تا پڑو ءِ کیک وخت اس کہ الیکشن پروگرام اٹ ترمیم ہم کننگ کیک‘ دیوان اٹ الیکشن ایکٹ انا سیکشن 57اٹ ترمیم کننگانے‘ سلاہی بل انا رد اٹ آئین اٹ ہرا ڈوہ انا سزا نا وخت پک کننگتنے ہموڑے نابودی پنچ سال آن زیات مننگ کپک‘ الیکشن ایکٹ انا بودیو نابودی نابابت سیکشن 232 اٹ ترمیم لائخی و نابودی نا وڑ وڈول‘ وڑ و مد ہندن مرے دُنکہ آئین نا آرٹیکل 62 و 63 اٹ فراوان کننگانے‘ بل اٹ پاننگانے کہ ہراڑے آئین اٹ داڑکن ہچ ءُ وڑوڈول‘ مُد فراوان کننگتنے دا ایکٹ انا ٹک آک لاگو مریرہ‘ سپریم کورٹ، ہائیکورٹ یا پین عدالتی فیصلہ، آرڈر یا پرمان نا رد اٹ سزا کنوک شخص فیصلہ نادے آن پنچ سال اکن نابود مننگ کیک‘ بل اٹ پاننگانے کہ آئین نا آرٹیکل 62 انا کلاز ون ایف انا رد اٹ پنچ سال آن زیات انا نابودی نا سزا مفک‘ تعلقدار بندغ پارلیمنٹ یا صوبائی اسمبلی نا باسک مننگ کیک۔

(آن لائن)