چیئرمین سینٹ نا بابت بل ءِ قومی اسمبلی منظور کپ‘خواجہ آصف

اسلام آباد : وزیر دفاع خواجہ آصف پارینے کہ اسمبلی نا اسہ باسک اسے نا تنخواہ سیکرٹری سے آن ہم کم ءِ‘ چیئرمین سینٹ نا بابت ہرا بل سینٹ آن پاس مسنے قومی اسمبلی اودے منظور کپ‘ الس خوار مننگ اٹی ءِ‘ دا حالیت آتے ٹی دا وڑ انا آسراتی تننگ جوان اف‘ نن دادے پورو کننگ کپنہ‘ تاحیات دا وڑ انا آسراتیک جوان افس‘ نن دابل انا اسہ وڑ اسے ٹی ہم رکھ ءِ کننگ کپنہ‘ دا خیال آتا درشانی ءِ اوقومی اسمبلی نا دیوان آن تران کرسا کرے۔ وزیر دفاع خواجہ آصف پارے کہ بھاز سخت ءُ حالیت اسے ٹی بجٹ ءِ پاس کننگانے‘ انشاء اللہ آئی ایم ایف والا باندات ہم ایسر مریک‘ ملک اٹ تدوک آدور اٹ ہرا بھسکاری تے کننگا اوفتا بدل ءِ ایتنہ‘ پارلیمنٹ نا ہرا باسک آک حج آ ہنانو او پورو وڑ اٹ تینا خڑچ آ حج کننگ ءُ‘ حکومت بیرہ گڈیکو فلائٹ ناموکل ہلسا تسنے‘ حکومت اسہ ایک پائی اس ہم داڑا خڑچ کتنے‘ سیاستدان تا بارو اٹ غلط سلاہ درشان کننگک او پارے کہ اسمبلی ناباسک اسے نا تنخواہ سیکرٹری سے نا تنخواہ غان ہم کم ءِ۔ او پارے کہ چیئرمین سینٹ نا بابت ہرا بل سینٹ آن پاس مس‘ قومی اسمبلی اودے منظور کپ‘ الس آ سخت ءُ گدرینگ انگ ءِ۔ دا حالیت آتے ٹی دا وڑ انا آسراتی تننگ جوان اف‘ نن دانا حساب ءِ الس ءِ تننگ کپنہ‘ تاحیات دا وڑا نا آسراتی تا تننگ جوان اف‘ دا وڑ انا بل انارکھ ءِ اسہ ہند اسے آ ہم کننگ کپنہ‘ اوپارے کہ دا غریب قوم انا دا حالیت آتے ٹی سینٹ نا منظور کروک آ بل اسُل سہی اف‘ آئینی عہدہ ءِ پروٹوکول نا گرج ءِ‘ وزیر تا پد اٹ پولیس نا گاڈیک مریرہر تو الس زاو بند کیک‘ ہراتم نن سیاسی عہدہ غاتیا مفنہ تو پولیس پد اٹ مریک‘ اگہ داخس خطرہ ارے تو سیاسات ءِ النگے و پین کاریم اس کننگے۔ اگہ کس انا دشمنی ارے تو او ذاتی گارڈ تخے‘ باسک و وزیرک مہربانی کیر پروٹوکول کن تینا گاڈی تے پد اٹ خلپس ہراتم مخلوق نا خڑک آ پروٹوکول سائرن لگک تو او ننے کرینگ ایترہ۔ خواجہ آصف پارے کہ ننے تینا ادارہ نا تینٹ شرف ءِ کرفوئی ءِ‘ نن دا وڑ انا آسراتی تے نشان ترسا تینا مخلوق آ ملنڈ کینہ‘ نن دا وڑ انا آسراتی تا حقدار افن۔

(آن لائن)