اوغانستان نا باندات آتے ٹی نیام تمنگ کن الیپنہ‘طالبان امیر
امارت اسلامیہ اوغانستان دنیا تون و خاص وڑ اٹ اسلامی ملک آتتون جوان سیاسی و زرگزرانی تعلقداری تا خواہندار ءِ
Get real time updates directly on you device, subscribe now.
کابل: اوغان طالبان تا امیر مولوی ہیبت اللہ اخوندزادہ پارینے کہ کس انا تہہ انا باندات آتے ٹی نیام تمپنہ و نئے کس ءِ تینا باندات آتے ٹی نیام تمنگ نا موکل ایتنہ۔ اوغان میڈیا نا رد اٹ مولوی ہیبت اللہ تینا بیان اٹ پارینے کہ امارت اسلامیہ اوغانستان دنیا تون جوان سیاسی و زرگزرانی تعلقداری تا خواہندار ءِ‘ خاص وڑ اٹ اسلامی ملک آتتون تینا تعلقداری تے گچین کننگ خواہک‘ا وپارے کہ نن کس انا تہہ انا باندات آتے ٹی نیام تمپنہ و نئے پین کس ءِ تینا ملک انا باندات آتے ٹی نیام تمنگ نا موکل ایتنہ۔ طالبان سروک پارے کہ اوغان زرگزران نا تنکی و دیوالیہ مننگ نا پیش گوئیک غلط مسر‘ ملک اٹ پوست انا فصل ءِ چٹفین و زمیندار بدل گیگ کشار کننگ اٹی ءُ‘ ہر وڑانا منشیات نا پیداوار و اسمگلنگ آ رکھ خلنگانے۔ مولوی ہیبت اللہ پارے کہ راج انا نیمہ آبادی نا وڑ اٹ نیاڑی تا گچینی کن گام گیج کننگانے‘ شریعت نا رد اٹ نیاڑی تا آرام دہ و شونہال زند اکن گام گیج کننگ اٹی ان۔
(آن لائن)