اکتوبر، نومبر اٹ پوسکن آگچین کاریک مریرہ‘ احسن اقبال
Get real time updates directly on you device, subscribe now.
اسلام آباد : بنجائی وزیر ڈٹ بندی احسن اقبال پارینے کہ ن لیگ ءِ گچین کاری تے ٹی اِرا تہائی گیشتری رسینگا تو ہم سیوتی حکومت جوڑ کینہ‘ ملکی ویل آتا ایسر اسہ سیاسی جماعت تون اف‘ میڈیا تون ہیت وگپ کرسا او پارے کہ اکتوبر، نومبر اٹ پوسکن آگچین کاریک مریرہ۔ او پارے کہ نواز شریف زوت پاکستان آ بریک‘ اودے 2017ء اٹ سازش ناکمک اٹ نابود گوندنگا‘ سازشی کڑدارک ہم اسٹ اسٹ آ پاش مننگ اٹی ءُ‘ بنجائی وزیر پارے کہ نواز شریف وژن پاکستان ءِ شون تس‘او مسکوہی حکومت آ تنقید کرسا پارے کہ اسہ سال اسے آن چیئرمین پی ٹی آئی نا زرگزران نا ٹھپ آتے درمان کننگ اٹی ان‘ اینو ننے آئی ایم ایف آ سیبو کروئی تمنگ ءِ‘ مسکوہی حکومت نا 4 سال انا سزا ءِ الس کیہی سال اسکان کنیک‘ احسن اقبال پارے کہ بروک آ 5 آن 10 سال وسیع البنیاد مفاہمتی سیاست کروئی مریک‘ گچین کاری تیان پد وسیع البنیاد زرگزرانی ایجنڈا نا رد اٹ پاکستان ءِ مونی دینہ‘ اوپارے کہ 75 سال آن برجا پالیسی بھرم تننگ کتو‘ اصلاحات کروئی تمک‘ قومی اصلاحاتی پروگرام آن ہر بشخ اٹ اصلاحات اتوئی ءِ‘ بنجائی وزیر پارے دا ہم پارے کہ جہانی دنیا تون گو کننگ کن انرجی سیکٹر نا لاسز ءِ چٹفوئی مریک۔
(آن لائن)