لاہور، تحریک انصاف سَے شنبے آ مینار پاکستان آ جلسہ کن موکل نا خواہندار

لاہور : پاکستان تحریک انصاف سَے شنبے نا دے مینارِ پاکستان آ جلسہ کننگ نا موکل خواہسنے۔ ڈپٹی کمشنر لاہور رافعہ حیدر ءِ پی ٹی آئی ناکنڈ آن جلسہ نا موکل کن درخواست تننگانے۔ سیکورٹی کلیئرنس نا درخواست ءِ مسکوہی بنجائی وزیر حماد اظہر و پی ٹی آئی وکیل ونگ انا کنڈ آن جمع کرفنگانے۔ درخواست اٹی پاننگانے کہ مینار پاکستان آ جلسہ کننگ خوانہ، آئی جی و چیف سیکرٹری تون اوڑدہی ٹی ہم جلسہ ناہ یت کننگاسس۔ یات سلے کہ ضلعی انتظامیہ مہالو ہم سکیورٹی نا سوب آن پی ٹی آئی ءِ جلسہ کننگ نا موکل تتویسس۔ داکان مست لاہور ہائیکورٹ ہم پاکستان تحریک انصاف ءِ یک شنبے نا دے مینار پاکستان آ جلسہ کننگ آن توریسس۔

(آ ن لائن)