رمضان المبارک نا نوک انا 22 مارچ آ خننگ انگ نا گمان
Get real time updates directly on you device, subscribe now.
اسلام آباد: محکمہ موسمیات پیش گوئی کرینے کہ رمضان المبارک نا نوک انا22 مارچ آ خننگ انگ نا پک گمان ارے۔ محکمہ موسمیات کلائمٹ ڈیٹا پروسیسنگ سینٹر رمضان المبارک نا نوک انا پیش گوئی کرینے، کہ رمضان المبارک نا نوک 22 مارچ آ خننگک۔ میٹ آفس نا رد اٹ رمضان المبارک نا نوک 21 مارچ نا نن 10 بجہ و 23 منٹ آ ودی مریک، ہندا سوب آن 22 مارچ آ دے کی ہلنگ نا وخت آ نوک انا وئی 20 گھنٹہ غان زیات اسکان مریک۔ کلائمٹ ڈیٹا سینٹر نا پاننگ ءِ دے 6 بجہ و 414 منٹ آ اندر مریک، وخت اس کہ نوک انا اندر مننگ نا وخت 7 بجہ و 32 منٹ ءِ۔ محکمہ موسمیات نا رد اٹ رمضان المبارک نا نوک 22مارچ آ خننگک، و 23 مارچ آ اولیکو روچہ مریک۔ میٹ آفس پارے کہ نوک ءِ ہُننگ نا وخت آ کراچی ٹی جاگہ اس آسمان سفا و جاگہ اس جمری مننگ نا گمان ارے۔
(آن لائن)