بلوچستان اٹی پر تیان بھس کاری، 10 بندغ زوال

آواران : بلوچستان نا ضلع آواران و ژوب اٹی پر تیان پد بروک نوکاپ بھس کاری کرینے۔ سرجم حوال آتا رد اٹ بلوچستان نا ضلع آواران و ژوب اٹی پر تا سوب آن نوکاپ نا دیر انا مون اٹ بننگ آن دہ بندغ زوال مسنو۔ محکمہ موسمیات نا رد اٹ 24 گھنٹہ ٹی خضدار اٹی 10، قلات اٹی 9، کوئٹہ اٹی 3، دالبندین اٹی 5، بارکھان اٹی 4، پنجگور و پشین اٹی 3،3 و ژوب اٹی 2 ملی میٹربارش ریکارڈ کننگا۔ داکان بیدس سندھ انا ندی علاقہ غاتیٹی دن کہ، دادو، میہڑ، جوہی، خیرپورناتھن شاہ و پڈعیدن اٹی ہم پر کرینے۔ محکمہ موسمیات نا پاننگ ءِ کہ سندھ، سویلی پنجاب، بلوچستان، خیبر پختونخوا، کشمیر و گلگت بلتستان اٹی منہ جاگہ اس پر انا گمان ارے۔

(آن لائن)