لورالائی ٹی تعلیمی آب و میرٹ آ ہچ ءُ سمجھوتہ اس سگپنہ‘ سوبان سلیم دشتی

لورالا ئی: ڈپٹی کمشنر لورالائی سوبان سلیم دشتی نا کماشی ڈسٹرکٹ ایجوکیشن ڈل انا دیوان اڈ ہلک۔ لورالائی ٹی تعلیم ءِ جوان کننگ و علمی چاگڑد اس جوڑ کننگ کن پک بنداو آ گام گیج کننگ کن جوان بنداو آ گام گیج کننگ نا فیصلہ کننگا۔ دیوان اٹ غیر حاضر استاد آتا نشانی و ضابطہ و کانود نا رداٹ اوفتا خلاف کارروائی کننگ نا بارواٹ سجفنگا۔ دیوان اٹ ڈسٹرکٹ ایجوکیشن افیسر سید ساجد شاہ، ڈسٹرکٹ آفیسر ایجویکشن بہادر شاہ ناصر، ڈپٹی ڈسٹرکٹ ایجوکیشن افیسر جمال الدین اتمانخیل، ڈسٹرکٹ آفیسر ایجوکیشن فوزیہ درانی، یونیسف ڈسٹرکٹ کوارڈینیٹر عبدالسلام بادیزئی، آر ٹی ایس ایم محمد خان حمزازئی، بی ای ایف ایریا کوارڈینیٹر شاہ وزیر علیزئی، فوکل پرسن ایجوکیشن عبدالغفار ناصر اسک بشخ ہلکر۔ ڈپٹی کمشنر لورالائی سوبان سلیم دشتی دیوان آن تران کرسا پارینے کہ لورالائی ٹی تعلیمی آب و میرٹ آ ہچ ءُ سمجھوتہ اس سگپنہ۔ ایجوکیشن معاملہ غاتیٹی سفارش امنا کننگ علم دشمنی نا وڑاٹی ءِ۔ ضلع لورالائی ٹی اسکول آتے فعال کننگ تعلیمی ادارہ غاتے آباد کننگ کن کل کوشست آتیان کاریم ہلنگک۔ او پارینے کہ دا ننا پوسکن آ چین نا ویل ءِ ننے جہالت نا جاگہ غا تعلیم آن روشناس چین اس تیار کروئی مریک۔ او پارینے کہ دا ننا پوسکن آ چین نا ویل ءِ ننے جہالت نا جاگہ غا تعلیم آن روشناس چین اس تیار کروئی مریک۔ داڑکن کن استادآتیا بھاز بھلو زمواری مریک کہ اوفک تینا فرض اٹ ڈیوالئی کننگ نا جاگہ غا درس و تدریس آ سجفر۔ تعلیم یافتہ لورالائی نا تغ پورو کننگے۔ او پارینے کہ تعلیم اسہ ہندن ءُ بشخ اسے کہ دا جوزہ خواہک او جوزہ نا رداٹ تعلیمی شونداری کن گام گیج کننگ نا گرج ءِ۔ استاد و و افسر تینا خواری و کوشست آتے برجا تخر۔

(خ ن)