ضلع انتظامیہ نا کنڈآن جوائنٹ روڈ و میزان چو آ اڑزان بازار خلنگک‘ عطاء المنیم

کوئٹہ : اسسٹنٹ کمشنر سٹی کوئٹہ عطاء المنیم نا کماشی رمضان المبارک اٹ اڑزان بازار نا اڈ تننگ نا بابت اٹ دیوان اس اڈ ہلک۔ ہراٹی اڑزان بازار نا انتظام و ایلو کاریم تا جاچ ءِ ہلنگا۔ اووخت آ اسسٹنٹ کمشنر سٹی کوئٹہ پارینے کہ روچہ نا تو اٹ اُلس نا آسراتی کن اڑزان بازار نا اڈ تننگ ءِ پک کننگ کن ہر وڑ نا گام گیج کننگک۔ دا بابت اٹ جوائنٹ روڈ و میزان چوک آ اڑزان بازار خلنگک۔ او مستی پارینے کہ ضلعی انتظامیہ نا کنڈآن دا ہیت ءِ پک کننگک کہ روچہ اڑزان بازار اٹ اُلس ءِ اڑزان نہاد آتیا گڑا فراوان کننگک۔

(خ ن)