یوٹیلی اسٹور آک اُلس ءِ سبسڈی ایتر‘ عائشہ زہری

ڈیرہ مراد جمالی : ڈپٹی کمشنرنصیرآبادعائشہ زہری ڈیرہ مراد جمالی ٹی جوڑ جتا جتا یوٹیلیٹی اسٹور تا دورہ ءِ کرے۔ یوٹیلیٹی اسٹور تیا گڑاتا اسٹاک و نہاد آتا جاچ ءِ ہلک۔ اسسٹنٹ کمشنر خادم حسین کھوسہ ہم اوڑتون اوار ئس۔ ڈپٹی کمشنر نصیرآباد عائشہ زہری اسٹور انچارج ءِ پارے کہ رمضان المبارک آن مست کل اسٹاک آتا فراوانی ءِ پک کننگے۔ یوٹیلٹی سٹور تیا بروک آ نت آتے جوان وڑاٹ کل ءِ بندغ آتے فراوان کننگے تانکہ اُلس نا غاو ایسر مریر۔ حکومت نا کنڈآن روچہ نا تو اٹ سبسڈی آن ہم اُلس ءِ فائدہ تننگک۔ یوٹیلٹی اسٹور تا پالیسی نا رداٹ اُلس ءِ کن خور نا گڑاتا فراوانی ءِ پک کننگے۔ روچہ نا تو اٹ ہرا کن خور نا گڑاتا خواہنگ اٹ ودکی مریک اوفتے زوت اس ڈیمانڈ زونل آفس آ راہی کننگے۔ روچہ نا تو اٹ یوٹیلٹی اسٹور آتیٹی کمتی مون تروک مف۔ روچہ نا تو اٹ ضلعی انتظامیہ نا کنڈآن اڑزان بازار اڈ تننگک۔

(خ ن)