رمضان المبارک نا تو اٹ ہڑزان بازار جوڑ کرسا اُلس ءِ ریلیف تننگک‘ جمعہ داد خان

آواران: ڈپٹی کمشنر آواران جمعہ داد خان نا کماشی ٹی دیوان اس اڈ ہلک۔ ہراٹی روچہ نا تو اٹ ہڑزان بازار جوڑ کننگ و اُلس ءِ گرج آتا رداٹ ریلیف فراوان کننگ نا بابت اٹ پارت جاری کننگا۔ ڈپٹی کمشنر آواران جمعہ داد خان نا پاننگ ئس کہ آواران اٹ ہڑزان بازار جوڑ کرسا اُلس ءِ ریلیف فراوان کننگک و روچہ نا تو اٹ پرائس کنٹرول کمیٹی ہڑدے نا بنداو آ کاریم کرسا گڑاتا نہاد آتیا نظر تخک۔ او دیوان آن تران کرسا پارینے کہ روچہ نا تو مقدس و احترام والا تو اسے۔ دا تو اٹ روچہ، ذکر و نماز آتون اوار اگہ روچہ توروک آتون گڑا ہلنگ اٹ اوفتا خیال ءِ تخنگے۔

(خ ن)