کتاب خواننگ آن علم اٹ ودکی بریک‘ ڈی سی نصیرآباد
Get real time updates directly on you device, subscribe now.
نصیر آباد : اینو نا ساڑی دور اٹ کتاب خواننگ نا شونق تخوک آتیٹی کمتی اف۔ کتاب آک علم انا خزانہ مریرہ ننے کتاب خواننگ اٹ جوان بشخ ہلوئی تمک۔ تانکہ ننا علم اٹ ودکی مرے۔ ڈپٹی کمشنر نصیرآباد عائشہ زہری ارا دے ئی حبیب اللہ بنگلزئی کتاب میلہ نا بنائی دود انا وخت آ ہیت وگپ کرسا کرے۔ او وخت آ ولی محمد زہری امان اللہ مینگل تون اوار بھلو کچ اسے ٹی کتاب نا شونقیک ساڑی ئسر۔ کتاب اسٹال خلوک آ گل محمد مستوئی پارینے کہ کتاب خواننگ نا شونقی آ بندغ آتیکن پاک پبلک ماڈل ہائی سکول ڈیرہ مراد جمالی نا کنڈآن ارا دے ئی اسٹال اس جوڑ کننگانے ہراڑے اردو سندھی انگریزی ادب تون اوار ایلو کیہی مضمون تیٹی نوشتہ انگا نصابی و غیر نصابی کتاب آک تخوک ئسر۔ دا کتاب آک خاص رعایت اٹ اُلس ءِ فراوان کننگ اٹی ءِ۔ بنائی دود اٹ ہیت وگپ کرسا ڈپٹی کمشنر نصیرآباد عائشہ زہری پارینے کہ اینو نا دور اٹ کتاب آتا اسٹال آتا اڈ تننگ ستا کڑزک۔ کتاب آتا کمک اٹ ادیب و شاعر آک تینا جوان انگا لوز آتے گچین کرسا دا کتاب آتا سینہ غاتیٹی ڈکھرہ۔ تانکہ بروک آ چینک دافتیان فائدہ ہرفنگ کیر۔ اُلس نا ذہن تا جوان اصلاح کننگ اٹ کڑد ادا کیرہ۔
(خ ن)