ملک عبدالولی کاکڑ بلوچستان نا گورنر نا عہدہ نا سوغند ءِ ہرفے

کوئٹہ : ملک عبدالولی کاکڑ بلوچستان نا گورنر نا سوغند ہرفے‘ یک شنبے نا بیگہ نا گورنر ہاؤس کوئٹہ ٹی سادہ ءُ دود اسے ٹی چیف جسٹس بلوچستان جسٹس نعیم اختر افغان اوڑان سوغند ہلک‘ دا وخت آ بلوچستان ہائیکورٹ نا جسٹس ہاشم خان کاکڑ، جسٹس روزی خان بڑیچ، اعجاز سواتی، صوبائی وزیر نصیب اللہ مری، عبدالخالق ہزارہ، سردار مسعود لونی، شاہینہ خان کاکڑ، ملک نعیم بازئی، صوبائی اسمبلی نا باسک بابو رحیم مینگل، میر حمل کلمتی، احمد نواز بلوچ، اکبر مینگل، اختر حسین لانگو، شکیلہ نوید دہوار بلوچستان نیشنل پارٹی نا سیکرٹری جنرل واجہ جہانزیب بلوچ، ملک رشید کاکڑ، ملک مجید کاکڑ، ایڈیشنل آئی جی جواد ڈوگر صوبائی محتسب نذر بلوچ، صوبائی سیکرٹری بلدیات دوستین جمالدینی، وزیر اعلیٰ نا پولیٹیکل سیکرٹری بلوچستان عوامی پارٹی نا آرگنائزر ملک خدا بخش لانگو، چوہدری شبیر احمد وایلوفک ساڑی ئسر‘ وخت اس کہ بلوچستان نیشنل پارٹی نا پارلیمانی ڈل اختر حسین لانگو، میر حمل کلمتی، بابو رحیم مینگل، احمد نواز بلوچ وایلوفک سوغندی دود اٹ بروک آ مہمان تے بخیر کریر۔

(آن لائن)