خاران‘ یونیورسٹی آف بلوچستان سب کیمپس اٹ ویلکم و سفاروکی دود اس اڈ ہلک
Get real time updates directly on you device, subscribe now.
خاران: یونیورسٹی آف بلوچستان سب کیمپس خاران اٹ ویلکم و سفاروکی دود اس اڈ تننگا۔ دا دود ہر سال نا وڑ اینخو ہم کمپیوٹر سائنس نا طالبعلم آتے چار سال نا ڈگری نا پورو مننگ آ سفارسا و بی بی اے فرسٹ ائیر طالبعلم آتے ویلکم کننگ کن اڈ تننگا۔ دا دود انا کماشی ءِ یونیورسٹی آف بلوچستان سب کیمپس خاران نا ڈائریکٹر عقیل احمد بلوچ کرے۔ دود اٹ سب کیمپس استاد‘ غیر تدریسی عملہ و طالبعلم آک بھلو کچ اسے ٹی بشخ ہلکر۔ پروگرام نا انتظامی ویل آتیا لیکچرار رحم دل صباء محبوب شاہ‘ امانت حسرت ابرار احمد و بختیار احمد سنبھالسا دود اٹ نظامت نا فرج آتے ورنا طالبعلم شکیل احمد و صائمہ مجید اڈ تس۔ دود انا بنا ءِ تلاوت کلام پاک آن کرے ہرانا سعادت حافظ شکراللہ دوئی کرے۔ اوکان گڈ طالبعلم آک خیر مقدمی کلمہ ادا کرسا سب کیمپس خاران نا تعلیمی ویل و انتظامی معاملہ غاتا ستا ءِ کرے او ڈائریکٹر سب کیمپس ءِ خراج تحسین پیش کریر۔
(آن لائن)