حکومت آتا پراوہ کتنن‘سودا بازی آخا نظریہ نا رکھ ءِ کینہ‘شاہ محمود قریشی

اسلام آباد ( آن لائن ) وزیر خارجہ شاہ محمود قریشی پارینے کہ نن کل عمران خان، و اونا نظریہ تون اوار سلوک اُن، حکومت آتا پرواہ آخا نظریہ غاتا رکھ ءِ کینہ، سودا بازی کپنہ، قومی اسمبلی ٹی بجٹ سیشن نا وخت آ گپ و تران کرسا او پارے کہ ای خواجہ آصف ءِ یقین اٹ پاوہ کہ کورونا نا گواچی مروک ءُ ہچ ءُ باسک اسے ایوان اٹ بننگ نا موکل تتنن۔ او نہ داخس غیرزموار اُن، عمران خان ءِ قوم انا اعتماد دوئی ءِ، استیفہ تفک، مچ آ قوم بنے کہ عمران خان اسہ مسخت اسے کن بس، ای تینا اتحادی جماعت آتا اُست انا ہُب اٹ منتواری ءِ ہرفوہ۔ مخلوق انت آن انت واویلا کرے ولے اوفک مَش آمبار تینا جاگہ غا سلوک ءُ۔ اپوزیشن ہراتم جوان ءُ ہیت اس کرینے نن اوفتا منتواری ءِ ہرفینن۔ اینو اولیکو وار خنان کہ پاکستان پیپلزپارٹی نا باسک آک پاکستان مسلم لیگ(ن) نا سنگت آتے معافی خواہنگ نا پاریرہ، اپوزیشن تون اکثریت ارے تو او دا فنانس بل ءِ رد کے، ہر گڑا مون آ بریک و کل ءِ سما ہم تمک۔