پٹرول نا نہاد آتا ودنگ تون پٹرول نا کاختی چٹا، خواجہ آصف

 اسلام آباد( آن لائن ) پاکستان مسلم لیگ (ن) نا کارندہ قومی اسمبلی نا باسک خواجہ محمد آصف اسٹاک ایکسچینج آ جلہو نا مذمت ءِ کرسا پارینے کہ دہشتگردی نا ہرا اسٹ بج ءِ تخا اودے ایوان اٹ شہید پاننگا، دوہری پالیسی ملکی کاز ءِ نسخان رسیفک، پٹرول نا نہاد آتا ودنگ تون پٹرول نا کاختی چٹا، بُور نا سازش نا وڑ پٹرول نا کاختی ہم سازش اسے، قومی اسمبیل ٹی بجٹ سیشن نا وخت آ گپ و تران اٹی بشخ ہلسا او پارے کہ پٹرول و ایلو گڑاتا نہاد آتا ودکی نا اثرک ہر بشخ اٹ نظر بریرہ، بجلی، گیس بمب ہم تمنگ اٹی ءِ، نم ہر وخت کن بتنورے، حکومت ہننگ آن خڑک ءِ، قومی اسمبلی نا دیوان اٹ تینا خیال آتا درشانی ءِ کرسا او پارینے کہ اسٹاک ایکسچینج آ جلہو نا مذمت ءِ کینہ، دہشتگردی نا برخلاف جنگ اٹ ہر مسٹ انگا فوج آک، پولیس و اُلس نا قربانیک ءُ، دہشتگردی نا جنگ داسکان کن یخ متنے۔