وزیراعظم عمران خان و اونا ٹیم الس نا مون آ سرسہب ءِ، مراد سعید

اسلام آباد (اے پی پی) بنجائی وزیر مواصلات مراد سعید پارینے کہ وزیراعظم عمران خان و اونا ٹیم الس نا مون آ سرسہب ءِ۔ دوشنبے نادے آ قومی اسمبلی ٹی پارلیمانی راہشون تا کنڈآن چست کروک آ ٹک آتا ورندی ٹی اوپارے کہ وزیراعظم عمران خان مدام پارینے کہ پی پی پی و مسلم لیگ نا نیام اٹ سنگتی چلینگک ایہن تو ہڑتوم آک اسٹ ءُ۔ اوپارے کہ کوروناوائرس نا دین انا سوب آن حکومت آ تنقید مس ، اپوزیشن نا مخلوق پیہن انگاتیان بھاز زہمی ءُ ہنداخاطرآن حوالہ تننگ اُٹ کہ اینو بلوم برگ ہم پارینے دنیاءِ پورو لاک ڈاون نا جاگہ غا سمارٹ لاک ڈاون نا کنڈآن دننگے۔ الس و دا ایوان فیصلہ کیک کہ دیر غلط ءِ دیر سہی ءِ۔ اوپارے کہ پیپلزپارٹی و مسلم لیگ (ن) نا دور بناکننگ تون پی آئی اے و اسٹیل ملز نسخان اٹی ہنار۔ اوپارے کہ دا مخلوق عمران خان نا سپاہی نا مون اٹ سلنگ کپسہ۔ عمران خان تون انت مناظرہ کیرہ نن پارلیمان و ٹی وی آ مناظرہ کن تیار اُن