پاکستان و جاپان نا نیام اٹ ڈیوس کپ ٹائی 2021ء اسکان کینسل
Get real time updates directly on you device, subscribe now.
اسلام آباد (مانیٹرنگ ڈیسک) انٹرنیشنل ٹینس فیڈریشن کورونا وائرس نا سوب آن اینکو ستمبر اٹ اسلام آباد اٹ مروک آ پاکستان و جاپان نا نیام اٹ ڈیوس کپ ٹائی ءِ 2021ء اسکان کینسل کننگانے۔ تدوک آ دے تیٹی پاکستان ٹینس فیڈریشن (پی ٹی ایف) نا کنڈآن جاری انگا حوال نا رداٹ انٹرنیشنل ٹینس فیڈریشن (آئی ٹی ایف) جہانی دَین کورونا وائرس نا سوب آن اینخو 2020ء اٹ مروک آ کل ڈیوس کپ ٹائی نا ایونٹس 2021ء اسکان کینسل کننگن ا پڑو ءِ کرینے۔ دا کینسل انگا ایونٹس آتیٹی پاکستان و جاپان نا نیام اٹ اینخو ستمبر اٹ اسلام آباد اٹ 18 آن 19 ستمبر اسکان شیڈول ایونٹ ہم اوار ءِ۔ آئی ٹی ایف کورونا نا سوب آن 2020ء اٹ مروک آ ایلو ڈیوس کپ ٹائی نا ایونٹس2021ء اسکان کینسل کننگانے۔ یات سلے کہ پاکستان اینخو مارچ اٹ پاکستان سپورٹس کمپلیکس اسلام آباد اٹ سلووینیا ءِ 0-3 اٹ بے سہب کرسا جاپان نا برخلاف ڈیوس کپ ٹائی نا فائنل کن کوالیفائی کریسُس۔