ہموفتے سلام ءِ دوا دارو کیرہ

وائرس لچپک

مینگلی نی کریس

……..

لنگڑی نا زمان

خواپک تیر و کمان

……..

کس آ نم ہرپبو

تینٹ ہمت کبو

……..

ایلمی نا ننا

خواپک دروغ ءُ سلاہ

……..

مفیس مستی نی خوار

خاچ توڷ پامدار

……..

وخت اس ویل اس بریک

تول قوم آتے کیک

……..

بیرہ اونا کنا اف

ہر ویل جنگ انااف

……..

مرے معلوم جنگ دلیری اس اف

رکھ تینے تخاس نا دلیری ءِ دا

……..

ہرفک ہمو بے دم ءِ

نا لائخی نا غم ءِ

……..

چیہانٹ ءِ بن اُرا تا

سیر آتا لنگڑ آتا

……..

دیر ءِ زباد ءِ تہو ءِ

ہرکس مڑانے ہوغک

……..

فطرت تون کس اڑیفک

اوفتے امر مریفک

……..

ہیت ءِ عمل نا کر نی

راہشون کنا مر نی

……..

شون آک بے شون آک بے وس

داڑا ٹک خلبو آخت انتئے دن مس

……..

دعا ءِ کنا نم کن کریاب مفیرے

تین کن و ایلوتے کن زراب مفیرے

……..

مسس کل انا

خوش ءِ نے آن خدا

……..

کہنگ ہر پارہ غا کہ کوڑ مسک

کورونا امتحان اس جوڑ مسک

……..

مقابلہ مفک خلیس اٹ سنگت

اواری ءِ اینو کبو جوڑ نم بخت

……..

نمے آن ہوش داسہ عقل خواہک

زہیر ءِ تغ اٹی داتا تے پاہک

……..

امان اٹ کل مریرے دا دعا ءِ

دبو مستی اینو ہندا سلاہ ءِ

……..

اخہ کروس خر نی

اینو وسیلہ مر نی

بشخندہ نا بکار ءِ

داخہ کرم کر نی

……..

مرون جتا نن دتر اسٹ ءِ

دا زندگی نا سفر اسٹ ءِ

بلا تیان بہ رکھن تینے

کہ ویلی آ دا کسر سٹ ءِ

……..

زند انا سبخ اسٹ ءِ

مہر ایت مہر ہڷ

بندغی نا دشمن آتے

ہڷ بٹ ہڷ خڷ

……..

لڑو بند ءِ نی کشکہ گندہ غاتا

بکار ءِ کوپہ کوپہ بندغ آتا

اِلے چنکا چنکا نی جھیڑہ غاتے

مرک سنگت نی اینو سنگت آتا

……..

جیب ءِ تینا کر یاد اینو

درآتا ہن نی شپاد اینو

کہ اونا مہر ءِ درینس گیرام

ہموڑان جوڑ ءِ فساد اینو

……..

مچ مبو ہشر کبو

غم تے بے اثر کبو۔

هفتئی تلار

25 April-01 May 2020