کراچی ٹی پِر سوگو ہندی حکومت نا نظام نا اہمیت ءِ پک کرے، فواد چوہدری
Get real time updates directly on you device, subscribe now.
اسلام آباد (اے پی پی) بنجائی وزیر سائنس اینڈ ٹیکنالوجی چوہدری فواد حسین پارینے کہ کراچی ٹی پِر آن پد ودی مروک آ حالیت آک اسہ وار ولدا سوگو ہندی حکومت آتانظام نا اہمیت ءِ تالان کرینے۔ جمعہ نا دے آ تینا اسہ ٹویٹ اسے ٹی بنجائی وزیر پارے کہ 22 کروڑ نا آبادی نا دا ملک ءِ 1935ء ٹی جوڑ کروک آ نظام نا رداٹ چلیفنگ مفک، وسیلہ و ہندی گرج و ویل آتے پہہ مروک آ اہل آرگنائزیشن نیٹ ورک المی ءِ۔ روایتی صوبائی انتظامیہ خاص وڑاٹ وزیراعلاک اوسط درجہ نا مریر گیشتر آبادی و علاقہ غاتا انتظامی باندات آتے چلیفنگ کپسہ۔ اوپارے کہ اینو اگہ شاری آسراتی اف، پولیس نا نظام بھس ءِ، تعلیم و جان جوڑی نا نظام است جم اف تو داناسوب آن صوبائی حکومت آتا نان پرفارمنس ءِ، ہنداخاطرآن سیاسی جماعت آتے دا باندات آ سجفنگ نا گرج ءِ۔