لورالائی: بے لیسن سلہہ نا دکان سیل، کریک ڈاؤن برجا
Get real time updates directly on you device, subscribe now.
ہوم ڈیپارٹمنٹ حکومت بلوچستان نا پرمان و کمشنر لورالائی ڈویژن ولی محمد بڑیچ نا خاص پارت آ اسسٹنٹ کمشنر لورالائی ندیم اکرم کانود آن چَپ سلہہ نا کاروبار نا برخلاف کارروائی کرسا شار اٹی بے لیسن جوڑ سلہہ نا اسہ دکان اسے سیل کرے۔ کارروائی نا وخت آ ایس ڈی پی او غلام اکبر ہم اسسٹنٹ کمشنر تون اوار ئس، وخت اس کہ ضلعی انتظامیہ و پولیس نا اسیجائی ٹیم دکان نا جاچ ءِ ہلک۔ بنائی جاچ انا وخت آ دکان نا مالک سلہہ نا ہلنگ وبہا کننگ کن المی کانودی لیسن پیش کننگ کتو، ہراڑا بلوچستان آرمز ایکٹ 2022 نا رِد اٹ کارروائی کرسا دکان ءِ دمدستی وڑ اٹ سیل کننگا۔ دا وخت آ اسسٹنٹ کمشنر ندیم اکرم دکان نا مالک ءِ پارت کرے کہ او ہوم ڈیپارٹمنٹ حکومت بلوچستان آن باقاعدہ لیسن دوئی کرسا کل کانودی خواست آتے پورو کے، نہ تو دکان سیل سلک و کانود نا رِد اٹ مستی کارروائی ہم کننگک۔ لورالائی (میر محمود بلوچ)