وزیر اعلیٰ بلوچستان تون ڈاکٹر تنظیم آتا نمائندہ ڈَل انا اوڑدہی

وزیراعلیٰ بلوچستان میر سرفراز بگٹی تون سے شنبے نا دے ڈاکٹر تنظیم آتا اسہ نمائندہ ڈل اس چیف منسٹر سیکرٹریٹ اٹی اوڑدہی کرے و اودے صوبہ ٹی جانجوڑی نا بشخ ءِ مون تروک ویل، ڈاکٹر آتے مون تروک کسبی باندات و طبی آسراتی تا جوانی نا بابت جتا جتا سلاہ تیان معلومدار کرے۔ اوڑدہی ٹی صوبائی وزیر جانجوڑی بخت محمد کاکڑ و سیکرٹری جانجوڑی مجیب الرحمن پانیزئی ہم ساڑی ئس۔ ڈل اٹی پاکستان میڈیکل ایسوسی ایشن (پی ایم اے) کوئٹہ نا صدر ڈاکٹر نادر اچکزئی، سینئر نائب صدر ڈاکٹر کامیار خان، جنرل سیکرٹری ڈاکٹر شعیب بلوچ، ینگ ڈاکٹرز ایسوسی ایشن بلوچستان نا ڈاکٹر حفیظ مندوخیل، ڈاکٹر علی جان، ڈاکٹر عادل، ڈاکٹر مزمل وخت اس کہ الائیڈ ہیلتھ آرگنائزیشن نا جمال شاہ اوار ئس۔