چیف سیکرٹری نا کماشی ٹی دیوان، مچ آ بلوچستان نا ہسپتال آتا کارکڑد نا جاچ

چیف سیکرٹری بلوچستان شکیل قادر خان نا کماشی ٹی اسہ اہم ءُ دیوان اس اڈ ہلک ہراٹی انڈس ہسپتال اینڈ ہیلتھ نیٹ ورک نا کماشی ٹی مچ آ بلوچستان اٹی جوڑ جتا جتا ہسپتال آتا کارکڑد و طبی آسراتی تا سرجم جاچ ءِ ہلنگا۔ دیوان اٹی خاص وڑ اٹ جی ڈی اے پاک چائنا فرینڈ شپ ہسپتال گوادر نا ساڑی حالیت، دوئی آسراتی، آخبت نا ودکی ڈٹ و پیش بروک گرج آتیا جم سجفنگا۔ دیوان اٹی ایڈیشنل چیف سیکرٹری (شونداری) زاہد سلیم، سیکرٹری جانجوڑی بلوچستان مجیب الرحمن، ڈائریکٹر جنرل جی ڈی اے معین الرحمن خان، انڈس ہسپتال اینڈ ہیلتھ نیٹ ورک کراچی نا چیف ایگزیکٹو آفیسر ڈاکٹر عبدالباری، چیف آپریٹنگ آفیسر مظہر احمد صدیقی، ڈائریکٹر میڈیکل سروسز ڈاکٹر شامل، ڈائریکٹر آپریشن ساؤتھ ڈاکٹر عفان فائق زادہ، ڈپٹی کمشنر گوادر نقیب اللہ کاکڑ، چیف انجینئر جی ڈی اے حاجی سید محمد، ہیڈ آف کیمپس جی ڈی اے پاک چائنا فرینڈ شپ ہسپتال ڈاکٹر ناصر شیخ تون اوار تعلقدار ادارہ غاتا بڑزکو کمامدار آک بشخ ہلکر۔